Friðrik Friðriksson hefur verið ráðinn fjármálastjóri Nýsköpunarsjóðs. Friðrik hefur lokið viðskiptafræðiprófi Cand Oecon frá Háskóla Íslands, MA prófi í hagfræði frá Virgina Tech og MBA prófi frá sama háskóla.

Friðrik hefur fjölþættan starfsferil og lengst af starfað við framkvæmdastjórn í fyrirtækjum, m.a. IBM á Íslandi, Skrifstofuvélum Sund og Skjánum ehf.  Friðrik hefur einnig unnið við endurskipulagningu fyrirtækja, samruna og sölu þeirra ásamt almennri rekstrarráðgjöf. Þá hefur Friðrik einnig setið í ýmsum stjórnum, meðal annars sem stjórnarformaður CCP hf.  og stjórnarformaður MATÍS ohf.  Hann var auk þess stjórnarformaður AVS sjóðsins.  Friðrik tók nýlega við stjórnarformennsku í Vaðlaheiðargöngum hf. og situr þar í umboði fjármála- og efnahagsráðuneytisins.